دموعنا بتنزل .. فينا بتقتل ..بتنزف جروحنا ..وبتروح روحنا ..
بقالنا سنين بنمشي .. واحنا لسا في مطرحنا ....
الحلم امتى يتحقق ..وعود ما بتتصدق ... نار فينا بتحرق ... في بحور العذاب بنغرق ..
احنا ناس اسيرها السكوت ... انحكم علينا بالعذاب والموت .. باب الفرح عليه مكتوب ... ممنوع هنا الغلابه تفوت ...
...
ما بقاش في صاحب يتصاحب ... ولا حبيب يخلص لحبه ... زمن غدار قاسي كاذب ...ما فيش حاجه بتهمه ..
في السجن ياما ناس بريئه ...عشان قالوا الحقيقه .. وفي ناس بتسرق وتقتل .. عايشه حره وطليقه ...
يا ريتني اموت ولا اعيش .. بصرخ والعالم ما بيسمعنيش ... ما انا زيكم انسان .. ليه حقوق ليا ما فيش ...
...
ليه اللي بنفتكرهم ... ودايما نجيب في سيرتهم ... نلاقيهم ناسينا ... قاسيين علينا وبايعينا ...
ولما بيحتاجونا .. جمبهم بيلاقونا ... ونفديهم بروحنا ... دنيا بقالها سنيين ماشيه .. واحنا لسا في مطرحنا ..
الأربعاء نوفمبر 07, 2007 10:11 pm
