واحد كان مسرع مره على الطريق ومعاه مراته
فجأه شاف في المرايه عسكري مرور قاعد يشاورله
وقف الراجل بسيارته وجه العسكري
فسأله الراجل : ايه المشكله ؟
العسكري : انت كنت مسرع فوق الـ180 كيلو في الساعة ودة طريق سرعته القصوى 60 كيلو في الساعة ، عشان كدا أنا هأديك مخالفه
الراجل: لا معلش أنا كنت معدي الـ 60 بشوية بس .
الزوجة : انت كنت ماشي على الأقل 160
الراجل بيبص لمراته نظرة كلها حقد
العسكري : اديك مخالفه كمان عشان الضوء الخلفي مكسور
الراجل: مكسور ؟؟ ... أنا ما كنتش اعرف انه مكسور
الزوجه : ايوه انت كنت عارف اللمبه انها مكسوره من كم اسبوع
وبصلها كمان بصة كلها حقد وغل بقة
العسكري: هأديلك ورقه انذار عشان مش رابط حزام الامان
الراجل: ايه أنا فكيته لما وقفت السيارة وجيت عندنا
الزوجه: لالالا انت عمرك ما ربطت حزام الامان
التفت الراجل لمراته وزعق فيها
الراجل : انتي ماتعرفيش تسكتي ابدا ؟
سأل العسكرى الزوجة : لو سمحتي هو دايما بيزعق فيكي كدة ؟
الزوجه : لا ,, لما بيكون سكران ؟
العسكري : سكران ؟؟
الراجل : لالالا ماتصدقهاش ياعم ..
الزوجة : سيبك منه احنا لاقينا ازازة الخمرة دى في العربية يوم ما سرقها وجالى بيها ..
العسكري : يعني السيارة مسروقه ؟؟
الراجل : ايه ، الله يخليك ماتصدقهاش ياعم دى عاوةزة توديني في داهية ، ويلتفت لمراته ويقول لها .... ماتخلنيش ارميكي واسيبك هنا دلوقتي ؟؟
العسكري : هو دايما بيهددك كدة بالطلاق ؟؟
الزوجة : مش لما يتجوزنى رسمي الاول ياعم الحاج ..؟
___________________________________________
دخلت بطة السوبرماركت وسألت البائع: عندكم عنب؟؟ فرد: لا ما عندناش ..
فطلعت البطة من المحل
في اليوم الثاني رجعت البطة السوبرماركت مرة ثانية .. وسألت البائع:
عندكم عنب؟؟ قال لها: لأ ما عندناش.. فطلعت البطة من المحل
في اليوم اللي بعده .. رجعت البطة للسوبرماركت وسألت البائع: عندكم
عنب؟؟؟ فصرخ عليها : لا لا ... انتي جيتي اليومين اللي فاتوا وسألتي
اذا عندنا عنب وقلت لك في كل مرة جيتي فيها ما عندناش.. والله إن جيتي
مرة ثانية وسألتي عن عنب راح اثبت رجلك المسطحة في الارض بمسامير ،،
فاهمة!!؟؟
فطلعت البطة
في اليوم الرابع رجعت البطة السوبرماركت .. وسألت البائع: عندك
مسامير؟؟ فرد عليها: لأ ما عندناش
فقالت البطة: تمااااااااام ...طيب عندكم عنب؟؟
__________________________________
يوم من الايام واحد من الشباب راح يخطب ...وبعد الموافقة
طلب العريس انه يخرج مع عروسته ايام الخطوبة ، سمحوله الجماعة ولكن معاهم اخوها الصغير.
قعدوا في الحديقة ، وتكلموا وعرفوا بعضهم اكثر.
لما رجعت العروسه البيت ، سألتها أمها : ها أيه أخبار فلان ؟
ردت العروسه: هو كويس ، بس في حاجة مش عجباني فيه .
الأم :أيه هى؟
العروسه : على طول بياكل لبان اربع وعشرين ساعة ، وده الى مش عاجبني فيه .
الأم : خليني اقول ده لأبوكى، وهو يتصرف معاه ويشوف صرفه معاه.
وبعد كام يوم ، سأل الأب العريس عن الموضوع.
يافلان أيه أخبار اللبانة الي أشوفك على طول بتاكل فيها..؟؟
قال العريس: اصلا ماباكلش اللبان الا لما ادخن بس ...
الأب: انت بتدخن ؟؟؟
العريس : ايوه بس لما اكون شارب خمره ...
الأب : وبتشرب خمره. كمان!!!
العريس:اشرب لما أجتمع مع شلتي اللي تعرفت عليهم في السجن بس..
الأب : وكمان كنت فى السجن !!!!!!!!!!!! عشان أيه..؟؟؟
العريس : أبدا ، قتلت راجل واحد بس .....
الأب : وليه قتلته ؟
العريس : علشان كنت خاطب بنته ، ومعجبوش أنى كنت باكل اللبان.
ورجع الأب الى بنته، فسألته :هاااه أيه الأخبار؟ قلتله على اللبانة ؟
رد الأب : يا بنتي دى مجرد حتة لبانة
__________________
الأربعاء نوفمبر 14, 2007 3:39 am
